Joh 12:12-16 | YomNWM | STEP | Lumbu kilanda, nkangu wu batu wuyiza ku nyengo bu wuwa ti Yesuwulembo yizi ku Yelusalemi ;

John 12:12-16

Yesu wutambulu mu nkembo ku Yelusalemi

(Matayi 21.1-11 ; Malako 11.1-11 ; Luka 19.29-40)

12 Lumbu kilanda, nkangu wu batu wuyiza ku nyengo bu wuwa ti Yesuwulembo yizi ku Yelusalemi ; 13 buna babonga mandalala ayi bayenda ku ntualꞌandi bayamikina mu mbembo yingolo :

—Ozana ! Bika kasakumuna mutu wowo wunkuizila mu dizina di Pfumu, Ntinu wu Iseli.

14 Yesu bu kamona muana phunda wuvuanda va mbata phunda beni banga busonimina :

15 Bika kuaku mona boma ngeyo muana ndumba wu Sioni
Tala ntinuꞌaku wizidi, buna kavuendi
va mbata muana phunda.
16 Minlonguki miandi misia tuama zaba ko tsundu mambu momo. Vayi Yesu bu kamana kemboso, bosi mitebuka moyo ti mambu beni momo masonama mu diambu diandi ayi bavanga mambu momo mu diambu diadi.